28 марттан Салауат хакимиәте башлығы вазифаһын ваҡытлыса башҡарыу хакимиәт башлығының беренсе урынбаҫары Артур Рундауға йөкмәтелде.
- 12 йылдан ашыу мин был команданың бер өлөшө булдым, төрлө вазифаларҙа намыҫлы эшләргә тырыштым, Салауат үҫешһен, һәр берегеҙ өсөн уңайлыраҡ булһын өсөн һәр эшкә йәнемде һалдым. Был йылдар минең өсөн профессиональ ғына түгел, шәхси үҫеш тә булды. Улар ҙур яуаплылыҡ, көсөргәнешле эш һәм, әлбиттә, Салауатҡа ихлас һөйөү менән һуғарылған.
Беҙҙең ҡала халҡы өсөн, бөтә ил кеүек үк, һуңғы йылдар еңелдән булманы: тәүҙә пандемия, һуңынан махсус хәрби операция йәшәйешебеҙгә ҙур төҙәтмәләр индерҙе, әммә, шуға ҡарамаҫтан, етәкселектең ҡыҫҡа ғына осоронда мин ҡайһы бер проблемалы мәсьәләләрҙе хәл итә, динамиканы һаҡлай алдым, күләмдәрҙе арттыра башланыҡ. Быйыл беҙҙең өсөнсө биҫтәлә күптән көтөлгән мәктәп төҙөлөшө, Ленин исемендәге майҙанды реконструкциялау, Космонавтар бульварындағы аллеяны төҙөкләндереү башлана, дүрт мәктәптә капиталь ремонтлауҙы тамамлау һәм художество мәктәбен тулыһынса яңыртыу эше көтә. Ҡыҙғанысҡа ҡаршы, бөтә нәмә лә тормошҡа ашырылып бөтмәне, әммә мин был башланғыстарҙа ҡаланың артабанғы үҫешенә ныҡлы нигеҙ һалыныуына ышанам.
Философ Николай Федоровтың: «Үҙең өсөн дә, башҡалар өсөн дә түгел, ә бөтәһе менән дә һәм бөтәһе өсөн дә йәшәргә кәрәк», тигән һүҙҙәренән илһамланып, бында үҙемдең бер өлөшөмдө ҡалдырып китәм.
Һәр берегеҙгә ярҙамығыҙ, конструктив тәнҡит, Салауат яҙмышына битараф булмауығыҙ өсөн рәхмәт белдерәм. Мин артабан үҫешергә ҡарар иттем, әммә Салауат һәр ваҡыт йөрәгемдә ҡаласаҡ.
Барыһы өсөн дә рәхмәт! Тыуған ҡаламдың сәскә атыуын һәм именлеген теләйем! - тип мөрәжәғәт итте Альберт Моталов.
