Эшләүсе йәштәрҙе берләштереү

Был проекттың барлыҡҡа килеү тарихы 2024 йылдың апреленә барып тоташа. Рәсәй Президентының Волга буйы федераль округындағы тулы хоҡуҡлы вәкиле аппараты вәкилдәренең Пермь йәштәре менән осрашыуы ваҡытында «Протон-ПМ» йәштәр союзы рәйесе Ирина Кучумова Пермь крайында округтың бөтә төбәктәрендә эшләгән йәштәр өсөн туристик слет ойоштороу тәҡдимен яһай. Был тәҡдим «МолоТ» (йәштәр хеҙмәте) йәмәғәт проекты булараҡ тормошҡа ашырыла, уның өсөн Рәсәй Президентының Волга буйы федераль округындағы тулы хоҡуҡлы вәкиле Игорь Комаров яуаплы. 2025 йылда Пермдә «МолоТ» проектының беренсе фестивале үтә, унда 18-35 йәшлек 420 йәш белгес, шул иҫәптә балалы йәш ғаиләләр, Волга буйы федераль округының 14 төбәгенән ҡатнаша.
Проекттың төп маҡсаты - эшләүсе йәштәрҙе берләштереү, уларҙың предприятиеларҙа нығыныуына булышлыҡ итеү. Унда ҡатнашыусылар спорттың популяр төрҙәрендә һәм интеллектуаль уйындарҙа ярыша: мини-футбол, волейбол, шахмат, өҫтәл теннисы, спорт эстафеталары һәм логикаға нигеҙләнгән квиздар.
Салауатта муниципаль этапҡа сығыу хоҡуғы өсөн «Газпром нефтехим Салауат» яуаплылығы сикләнгән йәмғиәт, «Салауатбыяла» акционерҙар йәмғиәте һәм Башҡортостан генерация компанияһы асыҡ акционерҙар йәмғиәте филиалының Салауат ТЭЦ-ы командалары көс һынашты.
Иң яҡшы уйынсылар ҡала йыйылма командаһына инде һәм 10 апрелдә Башҡортостандың көньяғындағы һигеҙ муниципаль берәмек командалары менән республика этабына сығыу өсөн көрәшә.
«МолоТ» йәмәғәт проектының йомғаҡлау этабы август айында Пермь ҡалаһында үтәсәк.