Рәсәйҙең киләсәге: яһалма зиһен һәм йәштәр

Олимпиадала еңеү еңелдән түгел. Никита Емелев был хаҡта яҡшы белә, ул олимпиадала икенсе тапҡыр ҡатнаша.
Был юлы уға популяр «Лайвлиб» китап сервисы мәғлүмәттәре менән эшләргә тура килә. Никита Емелев юғалған мәғлүмәтте тергеҙеүҙә һәм мәғлүмәтте өлөшләтә юғалтҡанда сервисты персонализациялауҙы
һаҡлауҙа ярҙам итерлек яһалма зиһен нигеҙендә алгоритм төҙөй.
Никитаның фекеренсә, уңыштың төп сере - ныҡышмалылыҡ һәм олимпиадала ҡатнашыусылар менән килешеп эш итеү. Ул шәхси зачетта ғына түгел, команда зачетында ла сығыш яһай, унда Калининград өлкәһенән Дмитрий Бабаш менән бергә өсөнсө була.

- Башта беҙ эксперименттар үткәрҙек, һуңынан, мәғлүмәттәрҙе анализлағандан һуң, үҙ бурыстарыбыҙҙы бүлештек, - ти Никита Емелев. - Олимпиадала иң мөһиме - командала бергәләп эшләү. Бүләкләү  тантанаһында «Рәсәй - мөмкинлектәр иле» Президент платформаһының генераль директоры, «Сенеж» Идаралыҡ оҫтаханаһы ректоры Андрей Бетин сығыш яһай. Ул хәҙер йәштәрҙең яһалма зиһен менән файҙаланыу ғына түгел, ә уны булдырыу һәм үҫтереү һәләтенә эйә булыуын билдәләне. Был, һис шикһеҙ, бөтә илдең киләсәгенә йоғонто яһаясаҡ.- Мәғариф, медицина, иҡтисадтың, ғөмүмән, 10-15 йылдан көндәлек тормоштоң нисек булыуы күп осраҡта бөгөнгө Милли технологик олимпиада еңеүселәренә бәйле, - тип ышана Андрей Бетин.
Еңеүсе булараҡ Никита Емелев Рәсәйҙең алдынғы юғары уҡыу йорттарына инеү өсөн льготаларҙы файҙаланыу мөмкинлегенә эйә булды. Шулай уҡ аҡсалата сертификат менән бүләкләнде.