Салауатта ҡала дауаханаһындағы һайлау участкаһы нисек эшләй?

Эльвира Собханғолованың һүҙҙәренсә, комиссия ағзалары һәм һайлаусылар бер-береһен белә. Быға йорт буйлап йөрөү ҙә булышлыҡ иткән.
- Был бик һөҙөмтәле ысул. Һайлаусылар беҙҙе белә, ә беҙ - уларҙы, был һайлауҙарҙа ҡатнашыуға ыңғай йоғонто яһай, - тип аңлата Эльвира Риф ҡыҙы.
Уның һүҙҙәрен раҫлағандай, участкаға салауаттар килеп инде, комиссия ағзалары уларҙы йылмайып, күптәнге таныштары кеүек сәләмләне. Уларҙың береһе - Илдар Хөснөтдинов. Күренеүенсә, ул оҙаҡ йылдар был участкаға ҡарай һәм бер һайлауҙы ла ҡалдырмай
- Мин элемтә узелында эшләнем, үткән һайлауҙарҙың барыһында ла бында элемтә үткәрҙем, - тип йылмая ул.
Әле ул башҡа урында эшләй, ә һайлауҙарға күптәндән белгән ошо участкаға килә.
- Бер тауыш бер нимә лә хәл итмәй кеүек тойола, әммә был улай түгел. Барыһы ла һайлауҙарға мотлаҡ йөрөргә тейеш, - тине ул.
Һайлау участкаһы комиссияһы ағзалары һүҙҙәренсә, тауыш биреү өсөн барыһы ла: пенсионерҙар, махсус хәрби операцияла ҡатнашыусылар, ветерандар, йәштәр килә, ғаиләлеләр ҙә күп.
- Тауыш биреүселәр араһында ҡала дауаханаһы хеҙмәткәрҙәре лә бар. Гөлнара Айбатова ҡыҙы Аделина менән килде, - тип һөйләй ҡала дауаханаһы профкомы рәйесе Эльвира Собханғолова.
Был участкала һайлаусылар өсөн «Ағиҙел» мәҙәни-ял үҙәге коллективтары (етәксеһе Рауил Хәкимов) матур концерт ҡуйҙы.