«Иртәгәге көнгә ҙур аҙым»

- Кешеләрҙең һаулығы сигендә тороу - бурысыбыҙҙың бер өлөшө генә. Илебеҙҙең киләсәгенә лә өлөш индереү мөһим, - ти баш врач.
Уның фекеренсә, йәмғиәттең һаулығы туранан-тура өс нимәгә бәйле: дәүләттең тотороҡлолоғо, үҫешкән социаль инфраструктура һәм сифатлы медицинаның асыҡлығы.
- Тап шуға беҙ РФ Дәүләт Думаһы депутаттарын һайлауға аңлы һәм яуаплы ҡарайбыҙ, - тип билдәләне Азат Ҡотоев. - Үҙ миҫалым менән балаларға һәр кемдең тауышы мөһим икәнлеген күрһәтергә теләйем. Илебеҙҙең киләсәген үҙебеҙ төҙөйбөҙ - бында һәм бөгөн. Тауыш биреүҙә ҡатнашыу - иртәгәге көнгә ҙур аҙым, - тип йомғаҡ яһаны Азат Ҡотоев.
Тауыш биреү 18-20 сентябрҙә дауам итә. Көн һайын иртәнге сәғәт 8-ҙән киске сәғәт 8-гә тиклем тауыш бирергә мөмкин. Бынан тыш, «Рәхмат» акцияһы сиктәрендә һәр һайлаусының ирекмәндәрҙән QR-кодлы флаер алыу мөмкинлеге бар. Уның ярҙамында акция партнерҙарынан ташламалар алып була.
Фото Азат Ҡотоевтың «Бәйләнештә» социаль селтәрендәге сәхифәһенән.