Скверҙа яңы скульптура

- Яңы биләмәнең иң сағыу үҙәге Салауатҡайҙың ҙурайтылған күсермәһе буласаҡ. Ул балаларҙың да, ололарҙың да күңеленә хуш килер, тип ышанабыҙ. Беҙ ҡаланы яҡшы яҡҡа үҙгәртеүҙе дауам итәбеҙ, һәм Космонавтар  бульвары - бергәләп йәшәү өсөн заманса һәм уңайлы мөхит булдырыуҙың сираттағы дәлиле, - тип хәбәр итте ҡала хакимиәте башлығы Марат Зәһиҙуллин.
22 июлдә ҡала башлығы скульптура өҫтөндә эшләгән Салауат рәссамы Илнур Ильясовтың оҫтаханаһында ҡунаҡта булды. 
- Салауатҡай ябай фигура ғына түгел, ә балаларҙы ла, өлкәндәрҙе лә ҡыуандырырлыҡ ҡаланы ысын һаҡлаусы буласаҡ, - тип уртаҡлашты Марат Зәһиҙуллин.
Эштәр тамамланыуға табан бара, һәм тиҙҙән Салауатҡай беҙҙе яңы, матур бульварҙа сәләмләр.
Хәтерегеҙгә төшөрәбеҙ: скверҙы реконструкциялауҙың икенсе сираты йылы ваҡытта ҡала байрамдары һәм концерттары үтәсәк амфитеатр, шулай уҡ әүҙем  спорт һәм экстрим һөйөүселәр өсөн заманса скейт-парк булдырыуҙы күҙаллай. Бынан тыш, эттәрҙе йөрөтөү өсөн махсус зона ла барлыҡҡа килә. 
Фотолар Марат Зәһиҙуллиндың социаль селтәрҙәге сәхифәһенән.