Салауаттағы хәл яғыулыҡ баҙарына йоғонто яһамай

- Дөйөм алғанда, республикала яғыулыҡ баҙары бик баланслы – был беҙҙең заводтар һәм башҡа төбәктәрҙән килтерелгәне. Шуға күрә Салауатта булған ваҡиғалар яғыулыҡ баҙарына йоғонто яһамаясаҡ. Беҙҙең етештереү ҡеүәттәре төбәкте артығы менән тәьмин итергә мөмкинлек бирә, бынан тыш, запас та бар. Хәҙер халыҡҡатынысланырға һәм үҙебеҙ үк булдырған шау-шыуҙы үткәреп ебәрергә саҡырам. Яғыулыҡ етерлек күләмдә буласаҡ, - тип ышандырҙы ОлегТыщенко. 

Ул төбәктә һауа һөжүменә ҡаршы оборона системаһы, мобиль-ут төркөмдәре эшләүен, ә республика башлығының, торлаҡ ведомстволарының һәм Федераль именлек хеҙмәтенең кәрәкле эште башҡарыуын билдәләне.

- Бөгөн Салауат ҡалаһы заводтарына дошмандың пилотһыҙ осоу аппараттары һөжүм итте. Хеҙмәттәр уны ваҡытында кире ҡаҡты, һөҙөмтәлә БПЛА емереклектәре төшкән урындарҙа төтәгән усаҡтар булды. Оператив хеҙмәттәр эҙемтәләрҙе бөтөрөүгә тотондо. Әле янғын һүндерелгән һәм завод технологик цикл сиктәрендә эшләй башлаясаҡ, - тип аныҡлыҡ индерҙе ул.

Фото: скриншот.