Уңайлы йәшәү өсөн эшләйбеҙ

Бекетов һәм Калинин урамдары киҫелешендә һауа шарттары насар булыу сәбәпле, бер нисә йыл дауамында ысын диңгеҙгә әйләнә. Халыҡҡа хатта машиналарҙа ла үтергә ҡыйын булған был участкала хәҙер яңы ямғыр коллекторы төҙөлдө.
Хәл итеү юлы Зәки Вәлиди проспектында ташҡынға ҡаршы коллектор ҡуйыу арҡаһында табыла. «А-Строй» компанияһы белгестәре эш графигынан  алдараҡ эшләй.
- Коллекторҙың дөйөм оҙонлоғо 210 метр: юл аҫтында 30 метр һәм йүкә аллеяһы буйлап 180 метр. Уртала бер коллектор ҡуйҙыҡ, - тине компания етәксеһе Арутюн Овакимян. - Башҡарылған эштәргә гарантия - биш йыл.

2023 йылдың сентябрендә «Йәшел Башҡортостан» республика экологик акцияһы сиктәрендә Бекетов урамында 80-гә яҡын йүкә ултыртылғайны, эш ваҡытында  бер генә ағас та зыян күрмәгән.

Асфальт ҡына боҙола. Әммә белгестәр яңыһын һала ла инде.
- Был әлегә асфальттың беренсе ҡаты, ә һуңынан икенсеһен һалабыҙ. Шуға күрә әлеге ваҡытта объектта эштәр 99,9 процентҡа башҡарылған, - тип хәбәр итте Арутюн Овакимян. - Эштәр сифатлы башҡарыла. Бер нисә көслө ямғыр яуҙы ла инде, йорт һыу аҫтында ҡалманы, - тип баһаланы подрядсыларҙың эшен Марат Зәһиҙуллин.
Тиҙҙән үҙҙәрен ысын профессионал тип танытҡан подрядсылар яңы объектҡа сығасаҡ. 
- «Медсервис» йәмғиәте килеүселәр һәм пациенттар өсөн туҡталҡалар төҙөйәсәк,  беҙ яҡтыртыу менән мәшғул буласаҡбыҙ, - ти Марат Зәһиҙуллин. - Туҡталҡа юл  буйлап ике яҡтан ҡуйыла. Беҙ тротуарҙар яғына юлды киңәйтергә рөхсәт иттек, унда парковка ойоштороласаҡ. Миләш урамында йәшәүселәр һыу үткәргес һалыуҙы һорап мөрәжәғәт итә. Проект булдырыла, конкурс процедуралары үткәрелә һәм объектта «Урма» йәмғиәте подряд ойошмаһы белгестәре эш башлай. Ике аҙна эсендә улар объектта 353 метр оҙонлоҡтағы һыу үткәргес төҙөй, өс ҡоҙоҡ ҡуя.
- Әле ер эштәре алып барабыҙ, артабан һыу үткәргесте тикшереү, йыуыу һәм дезинфекциялау эштәрен башҡарабыҙ, - тип хәбәр итте подряд ойошмаһы вәкиле Русан Ибраһимов.
Объектты «Салауат һыу каналы» хеҙмәтенә тапшырыу өсөн һуңғы тикшереүҙәр бара. - Беҙ 15 йылдан ашыу ошо эш менән шөғөлләнәбеҙ, шуға күрә йөҙ процент гарантия бирәм, - тип билдәләне Русан Ибраһимов.
- Иң мөһиме - халыҡ беҙгә мөрәжәғәт иткән мәсьәләне хәл иттек. Эшегеҙ өсөн рәхмәт, - тине Марат Зәһиҙуллин.
Әйткәндәй, был урамда йәшәүселәр ҡала хакимиәтенә урамдарҙы яҡтыртыуҙы ойоштороу үтенесе менән дә мөрәжәғәт итә. Әммә был бөтөнләй икенсе тарих буласаҡ.
- Беҙгә килгән граждандарҙың мөрәжәғәттәре бик мөһим. Аҡса табырға һәм бөтә эштәрҙе башҡарырға тырышабыҙ. Быларҙың  барыһын да ҡала халҡына яратҡан Салауатыбыҙҙа уңайлы йәшәү өсөн эшләйбеҙ, - тип йомғаҡ яһаны Марат Зәһиҙуллин.
Зилә СӘЛИМОВА.
Алена БИЗИКИНА фотолары.