Ғүмерҙәрҙе ҡотҡарған өсөн - Жуков миҙалы

Был туралағы яңылыҡ менән ҡала хакимиәте вазифаһын башҡарыусы Артур Рундау үҙенең социаль селтәрҙәге сәхифәһендә уртаҡлашты.
- Яҡташыбыҙ, "Башҡортостан" полкының 3-сө батальоны мотоуҡсылар ротаһы фельдшеры, Азамат Муллашев артиллерияның ҡыҙыу уты һәм дошмандың пилотһыҙ осоу аппараттары һөжүме аҫтында яралы яугирҙарҙы ҡотҡара, уларға ашығыс медицина ярҙамы күрһәтә. Фиҙаҡәрлеге һәм шәхси оҫталығы, Ватанды һаҡлауҙа күрһәткән батырлығы өсөн Жуков миҙалы менән бүләкләнә, - тип яҙған Артур Александрович.
Һалдаттарҙы ҡотҡарыу өсөн үҙ ғүмерен ҡурҡыныс аҫтына ҡуйған яҡташыбыҙ менән ғорурланабыҙ.
Гөлиә Нуриманова.

Фото Артур Рундауҙың сәхифәһенән.