“Ул шахмат донъяһында яҡшы билдәле...”

Ярыштарҙа Мәскәүҙән, Санкт-Петербургтан, Башҡортостандан, Тверь, Тула һәм Иваново өлкәләренән, Ханты-Манси автономиялы округынан 26 уйынсы ҡатнаша.
Салауат ҡалаһының данын Урал Хәсәнов яҡлай. Ул 53,75 мәрәй йыйып, өсөнсө урынға лайыҡ була!
– Урал Хәсәновҡа ни бары 16 йәш, әммә ул шахмат донъяһында яҡшы билдәле. Мәҫәлән, былтыр беҙҙең тәрбиәләнеүсе илдең йыйылма командаһы составында шахмат композицияларын сисеү буйынса донъя чемпионы булды. Күптән түгел ул халыҡ-ара мастер исемен алды. Ошо йәһәттән уның спортта киләсәге яҡшы булырына ышанам, - тине «Толпар» спорт клубы директоры Әмир Даукаев.

Фото: «Бәйләнештә» социаль селтәрендәге «Балалар (үҫмерҙәр) ижады һарайы» төркөмөнән.