Тиҙ һәм етеҙҙәр

Унда мәктәпкә әҙерлек төркөмдәренән балалар ҡатнашты (6-8 йәшлектәр төркөмө). Беренсе баҫҡыстағы иң йәш ҡатнашыусылар өсөн талаптар исемлегенә алты һынау инде: иҙәндә ҡулдарҙы бөгөү һәм яҙыу, йүгереү, урындан оҙонлоҡҡа һикереү, кәүҙәне күтәреү, гимнастика эскәмйәһендә алға эйелеү һәм туп ырғытыу. Нормативтарҙы Салауат ҡалаһының ГТО-ға тест үткәреү үҙәге хеҙмәткәрҙәре ҡабул итте.

Нормативтарҙы үтәү һөҙөмтәләре буйынса иң күп балл йыйған балалар икенсе этапта ҡаланың иң көслө мәктәпкәсә белем биреүсе балалары исеменә көс һынашасаҡ.

Тест үтеүгә ҡәтғи талаптар булыуға ҡарамаҫтан, балалар, үҙҙәренең сыҙамлылығын, етеҙлеген күрһәтеп, күнекмәләрҙе үтәне.

- Беҙ балалар баҡсаһының иң яҡшы балаларын фестиваль финалына һайлап алыу өсөн тест үткәрәбеҙ, уны апрель-май айҙарында үткәреү планлаштырыла. ГТО нормаларында мәктәпкәсә йәштәге балалар туп ырғытыу һынауы бар, ул һынау тик ошо баҫҡыста бар. Әйтәйек, бөтә нормативтар ҙа мәктәп йәшендәге балалар өсөн кеүек. Фестивалдең икенсе этабында бер саҡрымға сыҙамлыҡҡа йүгереү кеүек тағы ла бер һынау өҫтәлә. Өлкән баҫҡыстар өсөн - туғыҙ һынау булһа, балаларға «алтын» билдә алыу өсөн ете һынауҙы үтәргә кәрәк. Башлыса, балаларҙа тест үткәреү уларҙы физик культура менән шөғөлләнеүгә йәлеп итеү, балалар баҡсаларындағы физик культура буйынса инструкторҙар ата-әсәләргә теге йәки был спорт төрҙәрен тәҡдим итә алһын өсөн, уларҙың физик үҫешенең иң көслө яҡтарын асыҡлау маҡсатында үткәрелә. Иң мөһиме - балаларҙы һауыҡтырыу, уларҙы спортҡа һәм сәләмәт тормошҡа йәлеп итеү, - тине ГТО-ға тест үткәреү муниципаль үҙәге администраторы Антон Панков.

Балаларҙың тауышы:

Риана Баһауетдинова, 6 йәш:

- Миңә физик культура менән шөғөлләнеү бик оҡшай. Бигерәк тә мин планкала торорға яратам. Үкенескә күрә, кәрәкле бөтә һынауҙарҙы тейешенсә башҡара алманым, әммә шуға ҡарамаҫтан, мин үҙемдән ҡәнәғәтмен. Артабан нығыраҡ тырышасаҡмын!

Асҡар Дәүләтшин, 6 йәш:

- Мин бик ныҡ физкультураны яратам. Миңә бигерәк тә һығылмалылыҡҡа һәм сыҙамлылыҡҡа күнегеүҙәр оҡшай. Шулай уҡ физик культура дәрестәрендәге уйындар ҙа бик ҡыҙыҡлы. Көслө һәм сәләмәт булһын өсөн, барыһы ла спорт менән шөғөлләнергә тейеш.

Автор фотоһы.