Башҡортостанда «Йылдың йәш ғалимы» исеме булдырыла

– Был йәш белгестәрҙең республика фәненә индергән өлөшө өсөн баһа буласаҡ, – тип белдерҙе Радий Хәбиров. – Мин беҙҙең уңыштар тураһында әйтеп үтергә теләйем. Уҙған йыл аҙағында йәш ғалимдарға булдырылған ярҙам саралары буйынса ил рейтингында иң яҡшыһы булдыҡ. Фәнгә ярҙам итеү буйынса бөтә саралар ҙа ғәмәлдә ҡала.

Радий Хәбиров шулай уҡ февраль айында дәүләт башлығы Владимир Путин ҡатнашлығында Өфөлә Евразия ғилми үҙәгенең университет-ара кампусының беренсе этабы асылыуы хаҡында һөйләне.

– Бөгөн бында 21 фәнни йүнәлеш буйынса 18 лаборатория эшләй. Икенсе этапта алдағы көндәрҙә Геном үҙәге төҙөлөшөн тамамлаясаҡбыҙ. Бында шулай уҡ биоинформатика үҙәге һәм Һаҡлыҡ банкының IT-белгестәр әҙерләү буйынса илдең иң ҙур «21-се мәктәбе» эшләй башлаясаҡ. Беҙ 4 меңдән ашыу урынлыҡ административ һәм торлаҡ йорттар комплексын төҙөйбөҙ. Әммә был проектта иң мөһиме – беҙ үҙебеҙҙең кампустың төп өлөшөн – 120 мең квадрат метрлыҡ ете башняны төҙөй башланыҡ», – тип билдәләне Башҡортостан Башлығы.