Йондоҙ булып балҡый балалар

“Беләһегеҙме, хикәйә нисектер ҡыҙыҡһындырып, эләктереп алды", - тип уртаҡлаша Наталья Корепанова. Сюжет үҙәгендә башҡаларға оҡшамаған, үҙенең йылыһын һәм хәстәрлеген йортһоҙ хайуандарға биргән кеше. Ул уларға яҡшыраҡ тормошҡа өмөт биреп, һыйыныу урыны булдыра. «Хәҙер был тема айырыуса көнүҙәк, һәм был миңә бик ныҡ тәьҫир итте», - ти педагог.

«Катарсис» инклюзив театр студияһында үҙенсәлекле атмосфера хөкөм һөрә. Бында етәксе, балалар һәм ата-әсәләрҙең девизы: "Беҙ һәр төрлө әүҙемлек өсөн!». Репетициялар һөҙөмтәле һәм күңелле үтә.
Елена Черных студияның ойошторолыуынан башлап йөрөй. Был ваҡыт эсендә ул сәхнәлә күп образдар тыуҙырған. Ҡыҙ тәүҙә пьесаның төүге сығанаҡтарын уҡый, аҙаҡ уның геройы тураһында баш персонаждар нисек һөйләүҙәре тураһында анализ эшләй, шунан уға бирелгән образ өҫтөндә эш башлай. Елена роле менән сәхнәлә йәшәргә тырыша, геройының ауыртыуын һәм шатлығын тоя.

- Гран - при яулаған спектаклдә мин төп геройҙың яуыз күршеһе ролен уйнайым – ул урта йәштәрҙәге ҡатын-ҡыҙ, ғаилә проблемалары һәм ире менән даими бәхәстәр менән мәшғүл. Джонни Депп кеүек төрлө пландағы булырға хыялланам, мюзиклда уйнау мөмкинлегенә ышаным, романтик амплуала сығыш яһағым килә. Актерлыҡ оҫталығы-ул даими эҙләнеү һәм эксперимент. Мин ҡатмарлы һәм көтөлмәгән ролдәргә тотонорға әҙермен, - тип таный Елена.
Күрше ролен талантлы егет Владимир Дорофеев башҡара. Был уның беренсе роле түгел.

- Иң яратҡан ролдәремде «Маугли» һәм «Бәхеттең һуңғы көнө»спектаклендә уйнаным, тип ышаныс менән әйтә алам. Яҡшы баһалар, көслө алҡыштар алыу һәр саҡ ҡыуаныслы, - тип уртаҡлаша ул.

Спектаклдә төп ролде Никита Кәлимуллин уйнай.
- Роль өҫтөндә эшләү еңел бирелә, сөнки мин геройымды, уның нимә әйтергә теләүен һәм хистәрен аңлаймын. Мин уның тормошо менән йәшәйем, уның менән бергә шатланам һәм ҡайғырам. Спектаклде ҡарағандан һуң тамашасыларҙа ла хайуандарға ҡарата һөйөү, иғтибарлыраҡ һәм хәстәрлерәк булыр, тип ышанам, - ти ул.

Йәш актерҙар, коллектив етәксеһе һәм, әлбиттә, ата-әсәләр Өфөлә «Башҡортостан Йондоҙо» конкурсы алдынан бик борсолалалар. Шуныһы иғтибарға лайыҡ, коллектив был фестивалдә үҙен һынап ҡараған булған, ул ваҡытта улар икенсе дәрәжә лауреаты булған, был юлы сығыштар юғары баһаланып Гран –при бирелә.

- Баһалама ағзаһының һиңә ҡарап ултырыуын күреү һәр ваҡыт тулҡынландырғыс. Был юлы Өфө лә шулай булды. Һәр сығышы - үҙеңде еңеп сығыу, ысын стресс кисереү. Әммә, мәҡәлдә әйтелгәнсә, күҙҙәр ҡурҡа, ә ҡулдар эшләй. Беҙ бик яҡшы сығыш яһай алдыҡ, - тип өҫтәй Кира Еремеева.
Хәҙер "Катарсис" Чеховтың «Ат фамилияһы» һәм «Хамелеон» хикәйәләре өҫтөндә эш башлаған. Киләһе йылда уларҙы берләштереп, Өфөгә театр фестиваленә барырға ниәтләйҙәр.

- Алда тағы ла күп эштәр тора: репетициялар, актерҙар менән эшләү, һәр деталде камиллаштырыу. Әммә беҙҙең дәртебеҙ ташып тора һәм тамашасыларға ҡыҙыҡлы һәм лайыҡлы спектакль күргәтербеҙ, тип ышанабыҙ, - ти Наталья Корепанова.

Йәш актерҙарҙың ижадын төп баһалаусылар - ата-әсәләр, улар «Катарсис»инклюзив театр студияһының бер өлөшө булыуҙы бәхет, тип иҫәпләй.
- Беренсенән, театр-ул ҙур һәм татыу ғаилә. Балалар бында аралаша, бер-береһе менән таныша, бында йәшкә йәки диагнозға бүлеү юҡ. Улар бер-береһен аңлай, һәм һәр әсәй йәш актерға ярҙамға килә ала. Театға йөрөй башлағандан алып уларҙың оялыуы юҡҡа сыҡты, улар үҙҙәрен иркенерәк тота башланы. Сәхнәгә сыҡҡанда ла улар тамашасыларҙан ҡурҡмай, сөнки бергә эшләй. Улар үҙҙәрен бында ҡабул ителгән һәм яратҡан итеп тоя, - тип уртаҡлаша Елизавета Һәм Вероника Салауатоваларҙың әсәһе Дарья Фокина.

- Баланың нисек үҫкәнен ҡарау-иҫ киткес бәхет. Һәр яңы һөнәр, һәр бәләкәй ҡаҙаныш - ата-әсәләр өсөн байрам. Ә Гран-при яулау - барыбыҙ өсөн дә икеләтә шатлыҡ. Һигеҙ йыл элек Русалина студияға йөрөй башлағас, был уның йәшәйешене лә, беҙҙең тормошта ла яңы бәхетле этаптың башы була. Бергәләп гастролдәргә йөрөйбөҙ, ҙур бер ғаилә кеүек мәж киләбеҙ, - тип һөйләй Рәйлә Канюкова.