Радий Хәбиров Салауатта яңы китапхана менән танышты

"Китапхана коллективына һәм ҡала халҡына уңыштар һәм именлек теләйем. Китаптарҙы йышыраҡ асығыҙ – уларҙа белем һәм аҡыл сығанағы, - тип яҙҙы Башҡортостан Республикаһы башлығы Радий Хәбиров почетлы ҡунаҡтар китабына «Мәҙәниәт» милли проекты сиктәрендә яңыртылған «Интеллект-үҙәк “Диалог" үҙәк моделле ҡала китапханаһы менән танышҡандан һуң.

Төбәк башлығы Радий Хәбировты һәм Салауат хакимиәте башлығы Альберт Моталовты үҙәкләштерелгән китапхана системаһы директоры Ирина Щурова китапхана менән таныштырҙы.

- Салауаттың үҙәк китапханаһы яңы быуын «Үҙ химияһы» китапханаһына әүерелде. Исеме осраҡлы һайланмаған, сөнки Салауат - нефтехимиктар ҡалаһы, әммә иң мөһиме - китап. Концепцияның төп идеяһы - "Китап-ул химия", - тине Ирина Щурова.

Китапхананы ҡарап сыҡҡан һуң, төбәк башлығы үҙенең фекерен дә белдерҙе.
- Яңы китапхана күп функциялы һәм заманса килеп сыҡҡан. Төрлө йәштәгеләр өсөн кафелар һәм уйын зоналары булыуы -уңайлы, - тип тәьҫораттары менән уртаҡлашты Радий Хәбиров.