Биләмәләр төҙөкләндерелә

“Торлаҡ һәм ҡала мөхите” милли проектына ярашлы республикала күп кенә эштәр башҡарыла. Әйтәйек, ошо проект сиктәрендә Кушнаренко районының Кушнаренко ауылында 2021 йылда мәҙәни-спорт комплексына ҡараған биләмәне төҙөкләндереү планлаштырыла.

Тиҙҙән был биләмә яңы төҫ аласаҡ. Комплекстың уң яғында никахлашҡан йәштәр майҙансығы булдырыла, иҫке фонтан ремонтлана, ә ситтәрәк амфитеатр төҙөлә. Мәҙәни-спорт комплексы алдындағы майҙанда сәскә, ҡыуаҡлыҡтар ултыртыла. Был зона ял итеү өсөн тәғәйенләнә.

“Ауылдарҙы төҙөкләндереү - район хакимиәте алдында торған иң мөһим бурыстарҙың береһе”, – тип билдәләне үҙенең докладында Кушнаренко районы хакимиәте башлығы Руслан Ғизәтуллин район советы депутттары алдында сығыш яһағанда.

#Миллипроекттар

Фото: социаль селтәрҙәрҙән.