Кәрәкле хеҙмәттәр күрһәтеүсе үҙәк

Былтыр Башҡортостандағы “Минең бизнес” үҙәге офистары 15 меңдән ашыу хеҙмәт күрһәткән.

“Минең бизнес” үҙәге офистары респубьликала 2019 йылдан алып “Бәләкәй һәм урта эшҡыуарлыҡ һәм эшҡыуарлыҡ башланғыстарына булышлыҡ итеү” милли пректы сиктәрендә эшләп килә.

Башҡортостанда йәшәгәндәр “Берҙәм тәҙрә” форматында эксперттарҙың кәңәштәрен ала, профилле хеҙмәттәрҙән файҙалана, эшҡыуарлыҡҡа ярҙам итеү саралары хаҡында белә, уҡыуҙар үтә йәки вебинарҙарҙа, семнарҙарҙа һәм оҫталыҡ кластарында ҡатнаша ала.

“Минең бизнес” үҙәктәрен ойоштороуҙың төп маҡсаттарының береһе - төрлө үҫеш этаптарында йүнселдәргә һәр йәһәттән ярҙам итеү, эшҡыуарлыҡтың алға китеүе өсөн этәргес булыу. Шәхси эшҡыуар булараҡ нисек теркәлеү, үҙмәшғүллек, йәмғиәтте ойоштороу кеүек мәсьәләләрҙе хәл итергә лә мөмкин. Бынан тыш, хеҙмәт, һалым тураһындағы закондар, бухгалтер иҫәбе, финанс ярҙамы кеүек мәсьәләләр буйынса ла бында мөрәжәғәт итәләр.

“Минең бизнес” үҙәктәрендә, түбәндәге һылтанма буйынса инеп, ғариза яҙырға һәм ярҙам алырға мөмкин: https://cmbrb.ru/. “Ҡыҙыу бәйләнеш” телефоны: +7 347 224-99-99.

#Миллипроекттар

Фото: Башҡортостан Рееспубликаһының Эшҡыуарлыҡ буйынса дәүләт комитетынан алынды.