Пенсионерҙар өсөн «бәхетле сәғәттәр»

Башҡортостанда сауҙа селтәрҙәре изоляцияла ултырған пенсионерҙар өсөн «бәхетле сәғәттәр» ваҡытын үҙгәртте.

Республика Сауҙа һәм хеҙмәттәр министрлығының матбуғат хеҙмәте хәбәр итеүенсә, 65 йәштән өлкәндәр өсөн түбәндәге магазиндарҙа ташлама ҡаралған:
- «Магнит»: 10 процент ташлама (дүшәмбенән йомаға тиклем, магазин асылғандан алып көндөҙгө сәғәт 1-гә хәтлем);
- «Пятерочка»: 5 процент ташлама – көн һайын, дүшәмбе – 10 процент (көндөҙгө сәғәт 1-гә хәтлем);
- «Йәрминкә»: 3 процент ташлама (көн һайын иртәнге 11-ҙән көндөҙгө 1-гә тиклем).
Хәтерегеҙгә төшөрәбеҙ, федераль һәм республика сауҙа селтәрҙәре өлкән быуынды яңы коронавирус инфекцияһы, шулай уҡ миҙгелле ОРВИ һәм грипп йоҡтороуҙан һаҡлау өсөн республика хөкүмәтенең башланғысын хуплап сыҡты.

Фото: Яндекс.Новости