Ҡоштарға - тағараҡтар

Бөгөн ҡалала “Тирә-яҡ мөхитте һаҡлау көнө” уҙғарылды. Беҙҙең ҡала күп кенә саралар ойошторолдо.
Әйтәйек, ҡаланың мәҙәниәт һәм ял паркында тағараҡ эшләү буйынса оҫталыҡ дәрестәре уҙғарылды. 53-сө балалар баҡсаһы коллективы һәм тәрбиәләнеүселәре лә саранан ситтә ҡалманы.
- Балаларға ҡышлаусы ҡоштарҙың беҙҙең ярҙамға мохтаж, уларҙы ашатып торорға кәрәклеге тураһында һөйләнек, ҡалала үтәсәк “Тирә-яҡ мөхитте һаҡлау көнө” менән таныштырҙыҡ. Кескәйҙәр теләп ҡатнашты. Ата-әсәләре менән бергә тағараҡтар эшләп алып килде. Уларҙы бергәләп элдек, эсенә ҡоштар өсөн аҙыҡ та һалдыҡ. Был сара ҙур тәрбиәүи әһәмиәткә эйә. Балалар ҡышҡыһын ҡоштарға аҙыҡ табыуы ауырлашыуын, уларға ҡарата битараф булырға ярамағанлыҡы тураһында белеп, мәрхәмәтле, изгелекле булып үҫә, - тип һөйләй балалар баҡсаһы тәрбиәсеһе Лилиә Асҡарова.

Фотолар 53-сө балалар баҡсаһынан тәҡдим ителде.