Күңелдәргә байрам кәйефе бүләк итте

25 декабрҙә Салауаттың Ленин исемендәге майҙанында Яңы йыл ҡаласығы асылды.

Салауаттарҙы боҙ скульптуралары, матур шыршы, иллюминациялар, тау һәм күңел асыу саралары көтә ине был көндө. Ҡыш бабай, Ҡарһылыу, төрлө әкиәт персонаждары һәм ҡаланың ижади коллективтары ҡатнашлығында әҙерләнгән концерт номерҙары, күңел асыу саралары халыҡҡа байрам кәйефе бүләк итте.
Шулай уҡ бәләкәйҙәр өсөн уйын майҙансыҡтары ойошторолғайны. Унда балалар арҡан тартышты, саңғыла йөрөнө, туп бәреште һәм башҡа спорт ярыштарында, уйындарҙа ҡатнашты, тәмле приздар алды.
Яңы йыл ҡаласығы әҙер һәм унда олоһо ла, кесеһе лә буш ваҡыттарын күңелле үткәрә ала.