Йәсле төркөмө асыла

Ҡалала 3 йәшкә тиклемге сабыйҙар өсөн урындар булдырыуға ҙур иғтибар бирелә. Калинин урамындағы 36-сы балалар баҡсаһының икенсе корпусы йәсле йәшендәге кескәйҙәрҙе ҡабул итеү өсөн ремонтланыуы хаҡында хәбәр иткәйнек инде.
Яҡын арала тағы ла “Демография” милли проекты сиктәрендә 29-сы балалар баҡсаһында капиталь ремонттан һуң йәсле төркөмө эшләй башлаясаҡ. Ул 3 йәшкә тиклемге 19 балаға иҫәпләнгән.
Сабыйҙарҙы ҡабул итеү өсөн төркөмдә, йоҡлау, кейенеп-сисенеү, санитария бүлмәләрендә ремонт яһалған. Яңы тәҙрәләр, радиаторҙар, ишектәр ҡуйылған, электр проводтары алыштырылған. Шулай уҡ мебель, йыһаз һәм уйынсыҡтар ҙа алынған.