Нефть үткәреүселәр Бөйөк Ватан һуғышында ҡатнашыусыларҙың иҫтәлеген мәңгеләштерергә ярҙам итте

Черкассы ҡасабаһында Өфө районынан сыҡҡан Бөйөк Ватан һуғышында ҡатнашыусылар, Советтар Союзы Геройҙары Ф.М.Косолаповтың һәм П.А.Кулаковтың, шулай уҡ Дан Орденының тулы кавалеры М.А.Едренкиндың иҫтәлеген мәңгеләштерҙеләр. Тиҙҙән ҡасаба халҡы ауылда парк булдырырға планлаштыра - һәм геройҙар Аллеяһы был практа үҙәк урын булып торасаҡ.
Аллеяны булдырыуҙа тәүге аҙым булып фронтовиктарға бронза бюстар ҡуйыу була. Уларҙы әҙерләүҙә ярҙам күрһәтеүҙәрен һорап Черкассы ауыл советы хакимиәте райондың иҡтисади, мәҙәни һәм йәмәғәт тормошона, уның ныҡлы үҫешенә ҙур өлөш индергән “Транснефть” йәмғиәтенә мөрәжәғәт итә. Предприятие инициативаны хуплай һәм эштәр комплексын тулыһынса финанслау өсөн 1 млн һәм тирәһе хәйриә ярҙамы күрһәтә. Һуғышта ҡатнашыусыларҙың бюстары бронзанан эшләнгән, бетон-кирбес постаменттары гранит менән ябылған. Унда геройҙарҙың исем-шәрифтәре, йәшәгән йылдары уйып яҙылған.
“Транснефть” йәмғиәте Бөйөк Ватан һуғышында ҡатнашыусыларҙың һәйкәлдәрен ремонтлауҙа һәм төҙөкләндереүҙә даими хәйриә ярҙамы күрһәтә. Бөйөк Еңеүҙең 75 йыллығында предприятие тиҫтәләгән һәйкәлдәрҙе һәм төбәктәрҙәге мемориаль комплекстарҙы тәртипкә килтерҙе.