Вебинарҙа ҡатнашығыҙ!

Бөгөн, 25 ноябрҙә, 11.00 сәғәттә бәләкәй эшҡыуарлыҡ вәкилдәре өсөн финанс грамоталылығы буйынса “Эшҡыуарҙар өсөн микрокредит биреү” тип исемләнгән бушлай вебинар ойошторола.

Башҡортостан микрокредиттар компанияһы хеҙмәткәрҙәре ғәмәлдәге микрокредит продукттары, эшҡыуарлыҡ микрозаймдарын алыу, бының өсөн электрон формала ғариза яҙыу, компанияның финанс хеҙмәттәренән файҙаланғандар менән һанлы форматта документтар әйләнеше, эшҡыуарлыҡ займдарын ҡарау һәм рәсмиләштереү процедуралары хаҡында мәғлүмәттәр бирәсәк. Үҙегеҙҙе борсоған һорауҙарға яуаптар ала аласаҡһығыҙ.

Бәләкәй һәм урта эшҡыуарлыҡ вәкилдәренә ярҙам итеү “Бәләкәй һәм урта эшҡыуарлыҡҡа һәм шәхси эшҡыуарлыҡ башланғыстарына ярҙам итеү” милли проекты сиктәрендә бойомға ашырыла. Был сара ла бәләкәй һәм урта эшҡыуарлыҡ тармағында эшләгәндәрҙең ташламалы финанслауға һәм уларға аҡсалата ярҙам алыу мөмкинлектәрен киңәйтеүгә йүнәлтелгән.

https://us02web.zoom.us/j/87071403387?pwd=dEttK2tmVDlEVU9WZkZNUStUZW1Udz09 һылтанмаһы буйынса вебинарҙа ҡатнашырға мөмкин. Конференцияның идентификаторы: 870 7140 3387. Код: 576953.

#Миллипроекттар

Фото: mestnievesti.ru