Уҡыусыларға - онлайн-кәңәш

Башҡортостанда Мифтахетдин Аҡмулла исемендәге Башҡорт дәүләт педагогия университеты ирекмәндәре медицина хеҙмәткәрҙәренең балалары өсөн онлайн-остаздар буласаҡ.

Университеттың “Online-наставник 2.0" проекты “Мәғариф” милли проектының “Социаль әүҙемлек” федераль проекты сиктәрендә үҙ эшен тергеҙә.
Ирекмән-остаздар дистанцион уҡытыу осоронда медицина хезмәткәрҙәренең балаларына мәктәп программаһы материалын үҙләштереүҙә түләүһеҙ ярҙам күрһәтәсәк. Бының өсөн заявка бирергә кәрәк.
- Һәр мөрәжәғәт айырым эшкәртеләсәк. Беҙ мәктәп уҡыусылары һәм квалификациялы остаздарҙың “онлайн" аралашыуын ойошторорға тырышасаҡбыҙ, - ти университеттың ирекмәнлек үҙәге етәксеһе Лиана Кожевникова.
Балаға ярҙам итеү өсөн ғаризаны https://forms.gle/iTU3bCw58WLkiLDKA һылтанма буйынса ҡалдырырға мөмкин.
Педагог-остаз булыу өсөн https://forms.gle/ng2mLDDnvL58anew8 формаһын тултырырға кәрәк.

#Миллипроекттар

Фото: Башҡортостан Республикаһының Йәштәр сәйәсәте һәм спорт министрлығынан алынды.