Шатлыҡтары сикһеҙ

Республикала "Һаулыҡ һаҡлау" милли проекты сиктәрендә эштәр башҡарылыуы дауам итә.

Ауырғазы районының Усман, Туҡай һәм Иҫке Ибрай ауылдарында бер көндә өс заманса яңы фельдшер-акушерлыҡ пункттары асылды. Һәр береһенең хаҡы яҡынса ике миллион һум тәшкил итте, йәнә 440 мең һум тирәһенә улар медицина ҡорамалдары менән йыһазландырылды.

Яңы фельдшер-акушерлыҡ пункттарында пациенттарға ла, медицина хеҙмәткәрҙәренә лә уңайлы шарттар булдырылған. Интернетҡа тоташтырылған компьютерға хәтлем бар. Бында Усман һәм Сәлих ауылдарынан 200-ләп кеше хеҙмәтләндереләсәк.

#Миллипроекттар

Фото: Башҡортостан Республикаһының Һаулыҡ һаҡлау министрлығынан алынды.