Бала ла ҡарарға ла, уҡырға ла өлгөрәләр

“Демография” милли проекты республикала уңышлы бойомға ашырыла. Нуриман районында “Демография” милли проектының “Ҡатын-ҡыҙ мәшғүллегенә булышлыҡ итеү - өс йәшкә тиклемге балалар өсөн мәктәпкәсә белем биреү шарттары тыуҙырыу” төбәк проектын ике йыл бойомға ашырыу осорондаНуриман районы буйынса үҙәк район-ара халыҡ мәшғүллеге үҙәге бүлеге тарафынан сабыйҙарын ҡарау буйынса ялда булған биш ҡатын ҡайтанан әҙерлек үтеүгә һәм белемен камиллаштырыуға ебәрелгән.

Проекттың маҡсаты – балалы ҡатындарға хеҙмәт эшмәкәрлеген ғаилә бурыстары менән берләштереү мөмкинлеген тәьмин итеү, уларға уңышлы һөнәри яраҡлашыу, хеҙмәт баҙарында конкурентлығын арттырыу өсөн шарттар тыуҙырыу.

Райондан ике ҡатын “Бухгалтер иҫәбе” йүнәлеше буйынса ҡайтанан әҙерлек үткән, өсөнсөһө иһә “Кадрҙар эше, персоналға идара итеү” буйынса белемен камиллаштырған. Уларҙың өсөһө лә әле эшкә сыҡҡан. Үҙәк бухгалтерияның декрет ялындағы ике хеҙмәткәре “Бухгалтер иҫәбе, анализ һәм аудит” һөнәре буйынса квалификацияһын күтәреү курсына йөрөгән.

#Миллипроекттар

Фото: detkam.su