Салауат мэры һәм уның хәләл ефете COVID-19 менән сирләй

Салауат ҡалаһы хакимиәте башлығы Игорь Миронов социаль селтәрҙә күңелһеҙ хәбәр менән уртаҡлашты.

«Коронавирусҡа анализ һөҙөмтәләре килде. Нимә әйтә алам? COVID-19 беҙҙең ғаиләне лә урап үтмәне – минең һәм Таняның һөҙөмтәләре ыңғай. Ни эшләйһең, бергәләп еңергә тейешле сираттағы һынау», — тип яҙҙы Салауат мэры.
Бынан алда коронавирустың күп кенә чиновниктарҙы, сәйәсмәндәрҙе, йәмәғәт һәм сәнғәт эшмәкәрҙәрен урап үтмәүе тураһында хәбәр ителгәйне.