Республикала мобиль мәҙәниәт үҫешә

“Мәҙәниәт” милли проекты сиктәрендә Башҡортостан ауылдары өсөн быйыл биш автоклуб алынды.

Тәгәрмәсле клубтар Йылайыр, Баймаҡ, Ҡариҙел, Нуриман, Тәтешле райондарына юлланды.

Автоклубтарҙы мәҙәни һәм байрам саралары өсөн генә түгел, мәғариф-ағартыу маҡсаттарында ла ҡулланып була. Мәҫәлән, акциялар, лекциялар, күргәҙмәләр һәм башҡалар өсөн. Улар сәхнәгә, кинотеатрға, китапханаға ла әйләнә ала. Бының өсөн тейешле йыһаздары бар.

Муниципалитеттар тәү сиратта мәҙәният йорттары булмаған ауылдарға автоклубларҙың сығыу графигын формалаштыра.

Бөгөнгө көнгә автоклубтар 71 тапҡыр ауылдарға сыҡҡан, 97 сара үткәрелгән, уларҙа алты меңдән ашыу кеше ҡатнашҡан.

#Миллипроекттар

Фото: Башҡортостан Республикаһының Мәҙәниәт министрлығынан алынды.