Заман талаптарына яуап биргән ҡорамал

"Һаулыҡ һаҡлау" милли проектына ярашлы, баш ҡаланың 2-се дауаханаһыназаман талаптарына яуап биргән компьютер томографы ҡайтарылды. Ул коронавирус йоҡторған сирлеләргә медицина ярҙамы күрһәтергә ярҙам итәсәк.
Яңы томографтың, башҡаларына ҡарағанда, өҫтөнлөктәре бик күп. Яңы аппарат менән магистраль ҡан тамырҙарын ғына түгел, периферик ҡан тамырҙарына ла рентгенологик тикшеренеү үткәреү мөмкинлеге бар. Билдәләнгән программа баш мейеһе ауырыуҙарын асыҡларға ла ярҙам итә.
Компьютер томографияһы төрлө ауырыуҙарҙы диагностикалау өсөн киң ҡулланыла. Әлеге ысулдың юғары мәғлүмәтлелеге һәм компьютор томографияһының яҡшы сифаты табиптарға хирургия йә иһә терапевтик патологияның булыуын билдәләргә, ауырыуҙың артабан нисек үҫешен фаразларға һәм дауалауҙың иң һөҙөмтәле юлын билдәләргә мөмкинлек бирә.
#Миллипроекттар

Фото: Башҡортостан Республикаһының Һаулыҡ һаҡлау министрлығынан алынды.