Яңы аппарат сафҡа инәсәк

"Һаулыҡ һаҡлау" милли проекты сиктәрендә дауаханалар яңы ҡорамалдар менән йыһазландырылыуын дауам итә.

Яңыраҡ Ишембайҙағы үҙәк район дауаханаһының нур диагностикаһы бүлексәһендә компьютер томографияһы аппараты урынлаштырылды. Медицина хеҙмәткәрҙәре уның менән эшләргә өйрәнгәндән һуң, ул сафҡа индереләсәк.

Был – ҡалалағы икенсе томограф. Тәүгеһе тәүлек әйләнәһенә 2-се поликлиникала сирлеләрҙе хеҙмәтләндерә.

Яңы аппарат күп кенә ауырыуҙарҙы тулыраҡ диагностикалауҙа, шул иҫәптән үпкәнең зарарланыу кимәлен дә билдәләргә булышлыҡ итәсәк.

#Миллипроекттар

Фото: resbash.ru