«Елкән» салаты

Кәрәк: 300 гр ыҫланған тауыҡ ите, 200 гр корейса яһалған кишер, 1 банка кукуруза, 2-3 йомортҡа, 100 гр сыр, чипсы, майонез.

Тауыҡ итен һөйәгенән айырып турарға һәм салаттың тәүге ҡаты итеп тәрилкәгә йәйеп һалырға. Икенсе ҡат - корейса кишер. Өсөнсө ҡатҡа һыуы һарҡытып түгелгән кукуруза һалына. Һуңынан бешкән йомортҡаны ҡырғыс аша үткәреп һалабыҙ. Һәр ҡаттан һуң майонез һылана. Иң өҫкө ҡатҡа ҡырғыс аша үткәрелгән сырҙы һибәләп сығабыҙ. Һуңынан чипсыларҙы елкән ише итеп вертикаль рәүештә ҡуйып биҙәкләйбеҙ.

Фото:recepti24.ru