«Башҡортостан тарихи көҙгөлә»

9-12 октябрҙә Башҡортостан Республикаһы көнөнә Өфөлә «Башҡортостан тарихи көҙгөлә» архитектур инсталяция-күргәҙмә эшен башлай, унда «Тарих ирекмәндәре» тигән үҙенсәлекле проект та тормошҡа ашырыла.

9 октябрҙән башлап Республика көнөнә арнап төрлө саралар уҙғарыу планлаштырылған. Иң сағыуҙарының береһе «Башҡортостан тарихи көҙгөлә» тигән әһәмиәтле проект, ул үҙенең креатив төҙөлөшө менән ҡыҙыҡлы. «Башҡортостан» дәүләт концерт залына ингән ерҙә заманса урбанистик стилдә инсталяция рәүешендәге интерактив кубтар урынлаштырыла. Һәр куб - ул ресубликаның йөҙ йыллыҡ тарихы. Кубтың бер ҡырында видеопрезентация күрһәтелә, икенсеһе көҙгө булып тора һәм унда күргәҙмә ҡунаҡтары, үтеп барыусылар, ҡала пейзаждары күренә. Көҙгөләрҙең айырым бер яҫылыҡта урынлашыуы арҡаһында күргәҙмәлә ҡатнашыусылар үҙҙәрен инсталляция һәм республика тарихы өлөшө итеп тоясаҡ.
Шулай уҡ «Башҡортостан» ДКЗ алдындағы майҙанда «Тарих ирекмәндәре» эшләйәсәк, улар үткәндәргә ҡыҙыҡлы экскурсия уҙғарасаҡ һәм XX быуат башында республиканың барлыҡҡа килеүе хаҡында әҙ билдәле факттарҙы һөйләйәсәк. «Тарих ирекмәндәре» - улар ӨДНТУ-ның Иҡтисад һәм сервис институтының халыҡ-ара бәйләнештәр, тарих һәм көнсығышты өйрәнеү кафедраһы уҡытыусылары һәм студенттары.
«Башҡортостан тарихи көҙгөлә» күргәҙмәһе үҙ эшен «Башҡортостан» ДКЗ (Ленин урамы, 50) майҙанында 9 октябрҙә көндөҙгө сәғәт 3-тә башлай һәм 10-12 октябрҙә иртәнге сәғәт 9-ҙан киске 11-гә тиклем дауам итә.Төркөм экскурсиялары иртәнгә 11-ҙә, көндөҙгө 3-тә, киске 7-лә ойошторола.
#Башкортостанвзеркалеистории
Фото: artrb.ru