Балалар туҡланыуы - бик мөһим

"Ғаилә" Төньяҡ-көнсығыш үҙәге директоры Григорий Обвинцев Башҡортостан Башлығының дәүләт һәм коммерцияға ҡарамаған автономиялы халыҡты социаль хеҙмәтләндереү ойошмалары етәкселәре менән осрашыуында балалар приюттары тәрбиәләнеүселәре өсөн мәктәптәрҙә ҡайнар туҡланыуҙы ойштороу өлкәһендәге ҡатмарлыҡтар тураһында һөйләне. Уның һүҙҙәре буйынса, бюрократик ҡатмарлыҡтар арҡаһында приюттарҙан балалар ҡайнар туҡланыу ала алмай. Радий Хәбиров республиканың Финанстар министрлығына приюттарҙан балалар мәктәптәрҙә мотлаҡ ҡайнар аш менән тәьмин ителһен өсөн бюджет-ара финанслау мәсьәләләрен тәртипкә һалырға ҡушты.