Ябайлаштырылған ысулды һаҡларға

Йыл аҙағына тиклем белешмәләр алыуҙы ябайлаштырыуға бәйле ҡарарҙы ғәмәлдә ҡалдырырға кәрәк, тип белдерҙе Рәсәй Президенты Владимир Путин.

Ил башлығының уҡытыусылар һәм педагогик юғары уҡыу йорттары студенттары менән видеоконференция режимындағы осрашыуы барышында Санкт-Петербургтан өҫтәмә белем биреү педагогы Светлана Мелконян пандемия ваҡытында 1 октябргә тиклем халыҡты социаль яҡлау органдарына документтар йыйыу һәм тапшырыуҙың ябайлаштырылған тәртибе индерелеүе хаҡында иҫкә төшөрҙә. Уның һүҙҙәренсә, был тәртип бөтәһе, шул иҫәптә инвалидтар өсөн дә бик уңайлы булған. Ошоға бәйле ул президенттан уны оҙайтыуҙы һораны.
Әлбиттә, эпидемия осоронда ҡабул ителгән ҡарарҙарҙың ҡайһы берҙәрен, шул иҫәптә белешмәләрҙе автоматик рәүештә алыуҙы йыл аҙағына тиклем оҙайтыу кәрәк, мотлаҡ хөкүмәт менән был хаҡта һөйләшәсәкмен, - тине Владимир Путин.
#ВладимирПутин
Фото: ria.ru