«Транснефть - Урал» АЙ метрологтары иң яҡшылар тип табылды

«Транснефть - Урал» АЙ метрологтары компания бүлексәләре араһында иң яҡшы һөҙөмтәләр өсөн «Транснефть» йәмғиәтенең дипломдарына лайыҡ булды.

«Транснефть» коллективының иң мөһим бурысы - нефтте һәм нефть продукттарын магистраль торба үткәргестәр системаһы аша аварияһыҙ һәм өҙлөкһөҙ ташыу. Нефтте сығарыусы компанияларҙан нефтте ҡабул итеп, уны нефть эшкәртеү заводтарына тапшырыу һәм экспортҡа еберәү, эшкәртеүселәрҙән нефть продукттарын ҡабул итеү - ошо һәм башҡа операцияларҙа теүәл иҫәпһеҙ эшләү мөмкин түгел. Быны заманса ҡорамалдар тәьмин итә, метролог-белгестәр тикшерә һәм калибровка башҡара. Уларҙың эшмәкәрлек һөҙөмтәһе йыл һайын баһалана һәм ошо көндәрҙә «Транснефть»тә метрологтарҙың 2019 йылғы хеҙмәттәренә йомғаҡ яһанылар.
Ҡабул итеү-тапшырыу пункттары торошон контролләү сифаты, күләмде үлсәү һәм нефттең сифат күрһәткестәре һәм үлсәү ҡоролмаһы системаларының өҙлөкһөҙ эшләүенә ярҙам итеү, автоматлаштырылған мәғлүмәт системаһын файҙаланып үлсәү сараларын тикшереү һәм калибровкалау буйынса эштең һөҙөмтәлелеге - «теүәллек буйынса белгестәр»ҙең хеҙмәтен баһалағанда ошо һәм башҡа бик күп факторҙар иғтибарға алына. Һөҙөмтәлә «Транснефть - Урал» йәмғиәте белгестәре лидерҙар тип табыла. Был хаҡта онлайн форматта уҙған кәңәшмә ваҡытында хәбәр ителде. Предприятиеның метрологтары «Транснефть» ААЙ дипломдарына лайыҡ була.
Бөгөн предприятие 56,6 мең үлсәү приборы ҡуллана, уларҙың 26 меңе үҙ көс менән тикшерелә. «Транснефть – Урал» компанияһының метрология хеҙмәте составында 51 юғары квалификациялы белгес эшләй.
Әйткәндәй, был уңыш метрологтар активында тәүгә түгел, мәҫәлән, 2018 йыл эш һөҙөмтәләре буйынса «Транснефть – Урал» АЙ «Транснефть» системаһы ойошмалары араһында метрология (шулай уҡ тауар-транспорт һәм диспетчер) бүлексәләре эше һөҙөмтәлелеге күрһәткестәре буйынса лидер булып таныла.