Эшкә урынлаштырам тип, төп башына ултыртҡан

Беҙҙең Салауат ҡалаһында йәшәүсе бер ҡайҙа ла эшләмәүсе 33 йәшлек ҡатын Себерҙәге сәнәғәт предприятиеһына эшкә урынлаштырам тип, 11 танышын төп башына ултыртҡан. Йәнәһе, уның фирма етәкселәре менән туғанлығы бар. Был хеҙмәте өсөн күп балалы әсә 80 меңдән 280 мең һумға тиклем аҡса һораған. Дөйөм зыян - 1 миллион 300 мең һумдан ашыу.

Мутлашыусы әлегәсә үҙ ғәйебен танымаған, әмма хоҡуҡ һаҡсылары уның ғәйепле булыуын иҫбатлаған. Алдаҡсы ҡатынға ҡарата енәйәт эше судҡа ебәрелгән.

Фото: news.yandex.ru