Яратҡан гәзитегеҙҙән айырылмағыҙ!

Хөрмәтле дуҫтар! 2021 йылға ваҡытлыса матбуғатҡа яҙылыу кампанияһы башланды. Яратҡан гәзит-журналдарығыҙҙан айырылмайыҡ тиһәгеҙ, уларға яҙылып ҡуйырға ашығығыҙ.
Башҡорт матбуғаты – башҡорт ҡурайы, башҡорт ҡымыҙы, башҡорт балы кеүек үк күҙ ҡараһындай ҡәҙерләп һаҡлауға мохтаж ҡиммәтебеҙ. Милли гәзит-журналдарҙы һаҡлап ҡалыу тик үҙебеҙҙең генә ҡулда икәнлеген аңлап, уның үҫешенә ҙур ихласлыҡ менән үҙебеҙҙең өлөштө индерәйек. Хаҡтар бер аҙ артһа ла, гәзитебеҙҙең тоғро дуҫтары киләһе ярты йыллыҡта ла беҙҙең менән ҡалыр, тип ышанабыҙ.
“Салауат” гәзитенә яҙылыу хаҡтары:
Курьер килтереүе - 738 һум;
Альтернатив, йәғни редакциянан үҙең килеп алыу - 510 һум;
электрон яҙылыу - 564 һум.
Республика матбуғат йортонда нәшер ителгән газета-журналдарҙы РБСМИ сайты аша ла яҙҙырырға мөмкин.