"Миңә тик һин кәрәк, һиңә тик мин кәрәк", - ти Гөлназ Асаева

Йырсы Гөлназ Асаеваның ниндәй хыялы тормошҡа ашҡан? Ул"Инстаграм"да "Инфинити" машинаһы янында төшкән фотоһын ҡуйған. "Миңә тик һин кәрәк, һиңә тик мин кәрәк. Бик күптәнге хыялыбыҙ тормошҡа ашты, ниһайәт", - тип яҙған ул. Комментарийҙа Гөлназ машинаның ире Вилли-Вилдан Шәмсетдинов менән уртаҡ милке булыуын әйтә.

"Инстаграм"дағы дуҫтары йәш парҙы яңы машина алыуҙары менән ҡотлап, аҡ юлдар теләгән. "Машинағыҙ ҡотло булһын, имен-һау, бәлә-ҡазаһыҙ йөрөргә яҙһын!" - тип яҙа улар. Ҡайһы берәүҙәрҙе машинаның маркаһы һәм хаҡы ла ҡыҙыҡһындырған, шулай уҡ "эшләп, бындай машина алып булмай шул" тип тәнҡитләүселәр ҙә табылған.

Фото: www.instagram.com/asaeva