Диагноздар дөрөҫ ҡуйылыр

“Һаулыҡ һаҡлау” милли проектын һәм “Онкология сирҙәре менән көрәш” төбәк проектын тормошҡа ашырыу сиктәрендә республика клиник онкология диспансерына “ABL800 FLEX” ҡан газдары һәм электролиттар анализаторы һатып алынған. Анализаторҙы Данияның “Радиометр Медикал АпС” компанияһы етештергән.Ҡан газдары һәм электролиттар анализаторы онкология менән сирләгән кешеләрҙең хәлен диагностикалау өсөн кәрәк, тип хәбәр итә республиканың Һаулыҡ һаҡлау министрлығының матбуғат хеҙмәте. Баҡтиһәң, был аппарат бер ҡан өлгөһө нигеҙендә 18 төргә тиклем анализды тиҙ арала эшләү мөмкинлеген аса икән. Был яман шеш менән сирләгәндәргә кисекмәҫтән дөрөҫ диагноз ҡуйып буласаҡ.

#Миллипроекттар

Фото: республиканың Һаулыҡ һаҡлау министрлығынан алынды.