Бишенсе саҡырылыш депутаттарын һайлау

21-се мәктәптә урынлашҡан 606-сы участка үҙ эшен иртәнге сәғәт 7-нән башлаған һәм ишектәр киске туғыҙға тиклем асыҡ буласаҡ. Һайлауҙар бөтә санитар-эпидемиологик талаптар үтәлеп уҙа. Бөтәһе лә бер ишектән түгел, айырым ишектәрҙән инәләр. Ни бары дүрт өҫтәл ҡуйылған, һәр береһендә берешәрләп кенә ҡабул итәләр. Битлектәр, бирсәткәләр таратыла, тән температураһы үлсәнелә. Һәр һайлаусынан һуң бина эшкәртелә.

Роза Фәйзуллина, 21-се мәктәп уҡытыусыһы: - Мин үҙем дә һайлауға йәлеп ителгәнмен, шуға күрә тауышымды алдан, кисә үк бирҙем. Һайлауҙарҙы хуплайым. Был - минең гражданлыҡ бурысым. Депутаттар мәктәпкә ярҙам итеп тора. Әйтәйек, мәктәпте бик матур ҡойма менән ураттылар. Киләсәктә лә ярҙам итерҙәренә ышанабыҙ.