Паркта - Милли кейем байрамы

11 сентябрҙә ҡаланың мәҙәниәт һәм ял паркында киске сәғәт 5-тә Милли кейем көнө уҙғарыла.
Был көндө ҡаланың мәҙәниәт учреждениеларында: Картиналар галереяһында, тарихи-тыуған яҡты өйрәнеү музейында, китапханалар системаһында күргәҙмәләр ойошторола.
Байрам программаһында:
I. Фонтан янындағы майҙансыҡта:
17.00 сәғәттә - милли кейемдәрҙәге ҡатнашыусыларҙың (башҡорттар, татарҙар, сыуаштар, рус соборы, Украин мәктәбе, ҡала башҡорттары ҡоролтайы) костюмдарҙа үтеүе.
17.10 сәғәттә „Сәскә королеваһы“ конкурсы еңеүселәренең дефилеһы.
17.20 сәғәттә - ҡатнашыусыларҙың Башҡортостан Республикаһы халыҡтары телдәрендә бергәләп поппури йырлауы, бейеү флешмобы, халыҡтар дуҫлығы хороводы.

Паркта "Оҫталар аллеяһы" эшләйәсәк. Ошо уҡ көндө "Ҡала мөхитендә бәйләнгән стрит-арт" (ағастарҙы бәйләнгән әйберҙәр менән биҙәү) проекты асыла. Шулай уҡ милли кейемдәр күргәҙмәһе (9 филиал), "Милли орнаменттар" темаһына асфальтта һүрәттәр конкурсы, рус костюмдары элементтарын әҙерләү буйынса оҫталыҡ дәрестәре, милли аш-һыу күргәҙмәләре лә уҙасаҡ.

II.Үҙәк сәхнә майҙансығы янында:

17.40 сәғәттә – Балалар музыка мәктәбенең халыҡ музыка ҡоралдары оркестрының, ижади коллективтарҙың һәм айырым башҡарыусыларҙың концерттары.

III.Күл янындағы майҙансыҡта:

17.45 сәғәттә –оло йәштәге кешеләр өсөн ретро-майҙансыҡ.

IV. Фонтандан күлгә табан аллеяларҙа һәм фонтандың уң яғында:

17.45 сәғәттә – балалар өсөн программа, фотозона.

Ойоштороусылар теләктәре булғандарҙың барыһын да байрамда ҡатнашырға саҡыра. Шарт: кейем формаһы - милли костюм йәки өлөшләтә атрибут (баш кейеме, түшелдерек һ.б).

Автор фотоһы.