Уҡыу йылы нисек башланыр?

1 сентябрҙән бөтә балалар баҡсалары һәм мәктәптәр асыла. Башҡортостанда барлығы 1310 белем биреү учреждениеһы эшләй, уларҙа 520176 бала уҡый. 1 сентябрҙә тантаналы линейкалар тик 1, 9 һәм 11 класс уҡыусылары өсөн генә буласаҡ. Быйыл 1 класҡа 55 мең бала бара. Эпидемиологик хәлгә бәйле, мәктәптәрҙә талаптар үҙгәрҙе.Студенттарҙың күпселеге өсөн уҡыу йылы дистанция тәртибендә башлана. Ғәҙәти форматта тик беренсе һәм һуңғы курс студенттары ғына уҡыясаҡ. Был вуздарға ла, колледж-техникумдарға ла ҡағыла. Башҡа курс студенттары 1 ноябргә тиклем өйҙән уҡыясаҡ. Тик ике уҡыу йорто – Рудольф Нуриев исемендәге хореография колледжы менән урта махсус музыка колледжы студенттары ғәҙәти режимда уҡыясаҡ, был уҡыу йорттарының үҙенсәлегенә бәйле. Быйыл колледждарҙа – 93,9 мең, вуздарҙа 97,9 мең студент белем аласаҡ.Балалар баҡсалары тулыһынса асыласаҡ. Быға тиклем уларҙа дежур төркөмдәр генә эшләй ине. Бөтәһе төбәктә 1027 балалар баҡсаһы бар, уларға 244950 бала йөрөй. Бында ла санитар-эпидемиологик талаптар үтәлергә тейеш.Фото: ru.dreamstime.com