Рәсәй вакцинаһын тәүгеләрҙән булып Белоруссия аласаҡ

Рәсәй Президенты Владимир Путин Белоруссия Президенты Александр Лукашенко менән телефондан Белоруссиялағы хәл, коронавирус менән көрәш хаҡында һөйләште.

Аралашыу барышында ике ил башлығы көнбайыш йүнәлешендәге хәлгә айырым иғтибар бүлде. Кремлдә билдәләүҙәренсә, Лукашенко Путинға Белоруссиялағы хәлде тотороҡландырыу буйынса ниндәй саралар күрелеүе хаҡында һөйләгән.
Бынан тыш, президенттар коронавирус инфекцияһы менән көрәш тураһында ла һөйләшә. Белоруссия тәүгеләрҙән булып Рәсәйҙә уйлап табылған коронавирустан Спутник V вакцинаһын аласаҡ.
#ВладимирПутин

Фото:zviestki.com