Ике яҡлы һөйләшеү

Рәсәй Президенты Владимир Путин Төркиә Президенты Реджеп Эрдоган менән телефон аша аралашты. Ике ил башлығы Сүриә һәм Ливиялағы хәлдәр буйынса һөйләште.

Сүриәләге хәл хаҡында фекер алышҡанда терроризмға ҡаршы берҙәм көрәште әүҙемләштереү кәрәклеге һыҙыҡ өҫтөнә алынды, тип хәбәр итә Кремлдең матбуғат хеҙмәте. Дәүләт башлыҡтары Рәсәй-Төркиә килешеүен үтәү мәнфәғәтендә үҙ хәрәкәттәрен киләсәктә координациялау хаҡында килеште.
Бынан тыш, ике ил лидеры сауҙа-иҡтисади бәйләнештәрҙе үҫтереү һорауын да ҡараны. Анкара, Стамбул һәм Төркиәнең курортлы райондары менән авиабәйләнештәрҙең тергеҙелеүен иҫәпкә алып, Владимир Путин Төркиәгә барыусы Рәсәй граждандарының санитар-эпидемиологик хәүефһеҙлегеген тәьмин итеү мөһимлеген һыҙыҡ өҫтөнә алды.
#ВладимирПутин

Фото:tmbw.ru