Ҡойола кемдең мәйете?

Кисә, 9 августа, Мәләүез районының Корнеевка ауылы янындағы ташландыҡ ҡойола ҡатын-ҡыҙ кәүҙәһе табылған. Мәйет 3,5 метр тәрәнлектә ятҡан. Үле ҡатынды соҡорҙан сығарғас, хоҡуҡ һаҡсылары уның шәхесен асыҡлаған - ул күрше ауылдарҙың береһендә йәшәүсе 57 йәшлек ҡатындыҡы булып сыҡҡан. Тәнендә күренеп торған йәрәхәттәр, йәки криминаль характерҙагы эҙҙәр табылмаған. Эксперттар әйтеүенсә, ҡатын өс көн элек вафат булған.
Ҡатындың кәүҙәһе экспертизаға ебәрелгән.

Фото: iz.com.ua