Үҙенсәлекле автобустар

Улан-Удэла тиҙҙән үҙенсәлекле автобустар барлыҡҡа килмәксе. Унда Ил Президенты Владимир Путиндың цитаталары яҙылған автобустар һатып алырға ҡарар иткәндәр. Улар 200 миллион һумға төшәсәк.Бындай үҙенсәлекле автобустар 200 миллион һумға яҡын. Берәүһенең хаҡы 4,7 миллион һумға төшәсәк. Ҡала мэрияһы "Ҡала маршруттары" муниципаль предприятиеһы өсөн автобустар һатып алыуға ике конкурс иғлан иткән. Бер контракт нигеҙендә ҡалала 22 автобус (104,3 миллион һум) барлыҡҡа килергә тейеш, икенсеһе буйынса - 20 дана (94,8 миллион һум). Беренсе һатып алыуға - федераль, республика һәм ҡала бюджеттарыннан, ә икенсеһенә республика бюджетынан ғына аҡса бүленәсәк. Яңы автобустарҙың үҙенсәлеге шунда - Путиндың әйткән һүҙҙәре машина борттарында яҙылласаҡ. Әйтәйек, «Халыҡ бюджеты - кешеләр инициативаһы», «Алыҫ Көнсығыш - үҫештең төп йүнәлеше». Иң һуңында "Владимир Путин» тигән имза ҡуйыласаҡ.

#ВладимирПутин

Фото: mk.ru