Эпидемия менән көрәшкә Камил да ҡушылды

"Эпидемия менән көрәшкә танылған "Муха" студияһы һәм Камил Буҙыҡаев та ҡушылды. Улар бына ошондай аңлайышлы форматтар менән эпидемиологик хәл ваҡытында йәмғиәттә дөрөҫ ғәҙәттәрҙе аңлатасаҡтар, тип килештек. Һәм, әлбиттә, айырым кешеләрҙең төрлө етешһеҙлектәрен күрһәтәсәктәр. Өфөлә ошондай кимәлдәге сәнғәт кешеләренең булыуы бик яҡшы, уларҙың ижады илдә һәм донъяла талап ителгән. Уларҙың үҙ республикаһын яратыусы, битараф булмаған кешеләр булыуы икеләтә һәйбәт. Ошондай кешеләр киләсәктә лә Өфөлә ҡалһын өсөн шарттар тыуҙырырға теләйем", - тип яҙа үҙенең Facebook битендә Башҡортостан Башлығы Радий Хәбиров.