Көнсөллөгө ҡатынын үлтереүгә сәбәпсе булғанмы? Әллә...

Силәбе өлкәһенең Һатҡы районында трасса буйлап уҙыусы водителдәр ҡурҡыныс күренешкә тап булған. Юл ситендә аҡ "Рено Дастер" тора, ә арттараҡ ир бер ҡатындың муйынын киҫеп маташа. Эргә-тирәләге асфальт ҡан менән ҡапланған, автомобилдә ҡоттары осҡан балалар ҡысҡырыша... Ҡурҡыныс күренеш... Асыҡланыуынса, ир Яңы Балаҡатай ауылы кешеһе булып сыға.

Ғаилә Силәбе өлкәһенең Һатҡы ҡалаһына теш табибына китеп барған булған. Машинала ике һәм дүрт йәшлек бәләкәй балалары ла була. Бер мәл аҡылһыҙ ир ҡатынына бысаҡ менән ташлана. Йәнәһе, уға ҡатынының үҙ телефонына пароль ҡуйыуы оҡшамаған. Ул миңә хыянат итте тип тә белдерә.

Вафат булған ҡатын ирҙең икенсе ҡатыны. Тәүге ҡатыны һәм таныштары уның үтә ҡыҙыу холоҡло, ҡаты күңелле кеше булыуын, артыҡ ныҡ көнсөл икәнлеген билдәләгән. Әйткәндәй, хатта үҙ апаһы ла ирҙең үтә холоҡһоҙ икәнлеген һыҙыҡ өҫтөнә алған.

Бахыр ҡатын урына уҡ йән бирә. Уны Балаҡатай районының Соколки ауылында ерләгәндәр.

Фото: mirtesen.stroginskievesti.ru