Башҡортостан Башлығының эш өҫтәле ниндәй хәлдә?

Радий Хәбиров көтмәгәндә социаль селтәрҙәрҙәге “дуҫтарын” эш өҫтәленең фотоһын күрһәтеп ғәжәпләндерҙе. Тап ошо өҫтәл артында ул республика халҡының яҙмышына йоғонто яһаусы ҡарарҙарҙы ҡабул итә, документтарға ҡул ҡуя.

Хәбировтың һүҙҙәре буйынса, фото эш көнө аҙағында төшөрөлгән. Унда кәрәкле папка-ҡағыҙҙарҙан тыш, бер сынаяҡ ҡәһүә, эспандер һәм ҡатыны Каринэ Хәбированың фотоһы ла бар. Был фотоға ҡарата Радий Хәбиров: “Бәлки, кемгәлер ҡыҙыҡтыр, эш көнө аҙағында минең өҫтәлдә нимә булғаны”, – тип яҙған.

Фото: “Бәйләнештә” социаль селтәренән.