“Юлламаһыҙ ял. Рәсәй”

Башҡортостанда “Мәҙәниәт” дәүләт проекты сиктәрендә Андрей Разыграев Туризм буйынса федераль агентлыҡ һәм “Муз-ТВ” телеканалы менән берлектә “Юлъяҙмаһыҙ ял. Рәсәй” проектының яңы телесезонын төшөрә башланы.

Программа сығарылышының береһе Башҡортостанға бағышланасаҡ. Тапшырыу илдең туристик потенциалын күрһәтеүгә йүнәлтелгән.

Команда бөгөн республикала эш башланы һәм 31 июлгә тиклем республикала буласаҡ. “Юлламаһыҙ ял. Рәсәй” тапшырыуын алып барыусы Андрей Разыграев билдәле туристик объекттарҙы ҡарап сығасаҡ, респулика биләмәһендә урынлашҡан локаль сәйәхәт өсөн үҙенсәлекле урындарҙа буласаҡ.

Фильмдың беренсе көнө Өфөлә планлаштырылған. “МУЗ-ТВ” телеканалы командаһы ҡаланың тарихи урындарында, заманса майҙансыҡтарҙа эшләйәсәк. Әлегә “Арт-КВАДРАТ”, Ағиҙел буйының тө?ҙөкләндерелгән яры кеүек билдәле урындарға булып өлгөргәндәр.

Артабан алып барыусы һәм уның командаһы Башҡортостан буйлап сәйәхәткә китә. Уларҙы иң ҡыҙыҡһындырған йүнәлеш – этнотуризм. Милли аш-һыу, экологик яҡтан таҙа аҙыҡ-түлек етештереү фермалары, башҡорт мәҙәниәте, ғөрөф-ғәҙәттәр менән танышасаҡтар. Төркөм Нуриман районының Ҡыҙыл Шишмә сығанағына барасаҡ, Павловка һыуһаҡлағысын күрәсәк, “Торатау” геопаркының эше менән танышасаҡ. Шулай уҡ “Красноусол” шифаханаһының дауалау процедураларын ҡарарға иҫәп тоталар. Әбйәлил районындағы ҡымыҙ фермаһына ла барасаҡтар.

"Муз-ТВ" алып барыусыһын тағы нимәләр көтә? Бөтә серҙе лә асып бөтөрмәйәсәкбеҙ. Андрей Разыграев Башҡортостандың тағы ниндәй райондарға барырын программа эфирға сыҡҡандан һуң белербеҙ.

Фото: blagpanorama.rbsmi.ru