1 августан Рәсәй халыҡ-ара авиабәйләнеште тергеҙә

Рәсәй 1 августан халыҡ-ара авиабәйләнеште тергеҙә, тип хәбәр итте «РИА Новости» Рәсәй Федерацияһы премьер-министры Михаил Мишустиндың белдереүенә һылтанма менән.

Рәсәй 1 августан халыҡ-ара авиабәйләнеште тергеҙә, тип хәбәр итте «РИА Новости» Рәсәй Федерацияһы премьер-министры Михаил Мишустиндың белдереүенә һылтанма менән.

Рейстар Мәскәүҙән, Мәскәү өлкәһенән, Санкт-Петербургтан һәм Дондағы Ростовтан башҡарыла.

«Халыҡ-ара авиабәйләнеште тергеҙеү тураһында ҡарар ҡабул ителде. Шул уҡ ваҡытта беҙ эпидемиологик хәл, сир күрһәткесе һәм уртаҡлыҡ принциптарынан сығып эш иттек. 1 августан Мәскәү, Мәскәү өлкәһе, Санкт-Петербург һәм Дондағы Ростов аэропорттарынан рейстар башҡарыла», — тине Мишустин Рәсәй хөкүмәтендә.

Премьер-министр билдәләүенсә, был ҡарар рәсәйҙәрҙең сит илдән ҡайтыуын да тиҙләтергә тейеш.

Авиабәйләнеш тәү сиратта Бөйөк Британия, Төркиә һәм Танзания менән тергеҙелә, тип вице-премьер Татьяна Голикованың һүҙҙәрен килтерә «Интерфакс».

1 августан Лондонға осорға мөмкин. Төркиәлә 1 августан рәсәйҙәр өсөн Анкара һәм Истанбул аэропорттары асыла. 10 августан - Анталья, Бодрум һәм Даламан курорт ҡалалары. Бынан тыш, Танзания, атап әйткәндә, Занзибар менән авиабәйләнеш тергеҙелә. Мәскәү, Петербург һәм Ростов аэропорттары өсөн килгән пассажирҙар һаны буйынса сикләү бөтөрөлә, тип белдерҙе транспорт министры Евгений Дитрих.

"Башинформ" мәғлүмәт агентлығынан https://www.bashinform.ru/news/1476696-s-1-avgusta-rossiya-vozobnovlyaet-mezhdunarodnoe-aviasoobshchenie/

Фото: «Башинформ» мәғлүмәт агентлығы

Читайте нас

Новости партнеров